डोंबिवली बँकेच्या सभासदांना 9% लाभांश
डोंबिवली - डोंबिवली नागरी सहकारी बँकेच्या 51 व्या वार्षिक सर्वसाधारण सभेमध्ये मंजूर झाल्याप्रमाणे व रिझर्व्ह बँकेच्या मंजूरीनंतर आर्थिक वर्ष 2020-2021 चा 9% लाभांश बँकेच्या सर्व साधारण सभासदांच्या खात्यात जमा करण्यात आला आहे. त्याचप्रमाणे प्रेफरन्स शेअर होल्डर्सना 9.25% दराने लाभांश अदा करण्यात आला आहे. याबद्दल अनेक सभासदांनी समाधान व्यक्त केले आहे.
बँकेने ग्राहकांसाठी फास्ट टॅग सुविधा सुरू केली आहे. आपल्या बँकेच्या फास्ट टॅगचे वैशिष्ट्य म्हणजे, ग्राहकाच्या स्वत:च्या खात्यामधून टोलची रक्कम थेट वळती करण्याची सुविधा उपलब्ध आहे. त्यामुळे प्रवास करताना फास्ट टॅग रिचार्ज करण्याची आवश्यकता राहणार नाही व चिंतामुक्त प्रवास करणे सुलभ होणार आहे. तरी ग्राहकांनी फास्ट टॅग मिळविण्यासाठी जवळच्या शाखेशी संपर्क साधावा.
0-0-0-0-0-0-0-0