'डोंबिवली नागरी सहकारी बँके'तर्फे महिला मेळाव्याचे आयोजन
डोंबिवली नागरी सहकारी बँकेतर्फे प्रतिवर्षी प्रमाणे जागतिक महिला दिनानिमित्त महिला मेळाव्याचे आयोजन करण्यात आले आहे. हा मेळावा रविवार ,दि. ८ मार्च २०२० रोजी सकाळी १०.३० वाजता , सुयोग मंगल कार्यालय, टिळक रोड, डोंबिवली पूर्व येथे होणार असून याप्रसंगी सुप्रसिद्ध व्याख्यात्या मा. कांचन दीक्षित या, 'वेळेचे व्यवस्थापन' या विषयावर उपस्थितांना मार्गदर्शन करणार आहेत. तसेच अनोखे कार्य करणाऱ्या ६ महिलांचा सत्कार देखील यावेळी करण्यात येणार आहे.
कार्यक्षमता वाढवून आपले जीवन अधिक आनंदी करणाऱ्या या लोकप्रिय कार्यक्रमाचा लाभ अधिकाधिक महिलांनी घ्यावा असे आवाहन बँकेतर्फे करण्यात आले आहे.